មនុស្សពេញវ័យដែលមានជំងឺបម្រុងទឹកនោមផ្អែម មានហានិភ័យប្រឈមនឹងបញ្ហាគាំងបេះដូងខ្ពស់ជាងអ្នកដែលមិនមានជំងឺបម្រុងទឹកនោមផ្អែម នេះបើយោងតាមការស្រាវជ្រាវរបស់សមាគមបេះដូងអាមេរិក។
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
មនុស្សពេញវ័យដែលមានជំងឺបម្រុងទឹកនោមផ្អែម មានហានិភ័យប្រឈមនឹងបញ្ហាគាំងបេះដូងខ្ពស់ជាងអ្នកដែលមិនមានជំងឺបម្រុងទឹកនោមផ្អែម នេះបើយោងតាមការស្រាវជ្រាវរបស់សមាគមបេះដូងអាមេរិក។
ជាក់ស្ដែង លោកវេជ្ជបណ្ឌិត Akhi Jain អ្នកស្រាវជ្រាវនៃសមាគមបេះដូងអាមេរិក និងជាគ្រូពេទ្យប្រចាំនៅមណ្ឌល Mercy Catholic Medical Center នៅរដ្ឋPennsylvania បានឲ្យដឹងថា បើយើងមិនធ្វើការព្យាបាលជំងឺបម្រុងទឹកនោមផ្អែមទេនោះ វាអាចប៉ះពាល់ដល់សុខភាពយ៉ាងខ្លាំង ហើយព្រមទាំងអាចវិវត្តទៅជាជំងឺទឹកនោមផ្អែមប្រភេទ២ ដែលបង្កើនហានិភ័យធ្ងន់ធ្ងរនៃការកើតជំងឺសរសៃឈាមបេះដូងថែមទៀតផង។
ជាមួយគ្នានេះដែរ ក្រុមអ្នកស្រាវជ្រាវបានរកឃើញថា អ្នកជំងឺគាំងបេះដូង ដែលចូលសម្រាកព្យាបាលនៅមន្ទីរពេទ្យចំនួន៧,៨លាននាក់ ចាប់ពីឆ្នាំ២០១៨ ជាមនុស្សពេញវ័យដែលមានអាយុចន្លោះពី១៨ ដល់៤៤ឆ្នាំ ហើយចំពោះអ្នកដែលមានជំងឺបម្រុងទឹកនោមផ្អែម ដែលមានជាតិស្ករក្នុងឈាមខ្ពស់ មានហានិភ័យគាំងបេះដូងចំនួន១,៧ដងច្រើនជាងអ្នកដែលមិនមានជំងឺបម្រុងទឹកនោមផ្អែម នេះបើយោងតាមការស្រាវជ្រាវរបស់សមាគមបេះដូងអាមេរិក។
យ៉ាងណាមិញ ហានិភ័យនៃការកើតជំងឺបម្រុងទឹកនោមផ្អែម និងគាំងបេះដូង អាចនឹងថយចុះ ប្រសិនបើយើងផ្លាស់ប្ដូរបែបបទរស់នៅ ដែលរួមមានរក្សាទម្ងន់ខ្លួនសមល្មម ធ្វើលំហាត់ប្រាណជាប្រចាំ និងញ៉ាំរបបអាហារល្អៗ។
អត្ថបទគួរអាន៖
ពិតណាស់ លោកវេជ្ជបណ្ឌិត Akhi Jain បានបន្ថែមថា ការពិនិត្យសុខភាពជាទៀងទាត់ និងឆែករកជំងឺបម្រុងទឹកនោមផ្អែមជាប្រចាំ មានសារសំខាន់ណាស់ចំពោះមនុស្សវ័យក្មេង ដើម្បីបង្ការ ឬពន្យារនៃការកើតជំងឺទឹកនោមផ្អែមប្រភេទ២ គាំងបេះដូង និងជំងឺបេះដូងដែលពាក់ព័ន្ធផ្សេងទៀត។
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕